Студија за оценка на влијанието врз животната средина за делница Демир Капија-Смоквица

датум : 12.06.2008

Ве известуваме дека Студијата за оценка на влијанието врз животната средина за Коридор 10, делница Демир Капија-Смоквица, е достапна на интернет страната на Владата на Република Македонија www.vlada.mk/eia/eia.htm

Студија за оценка на влијанието на животната средина за проектот за изградба на дел од Коридор 10, делница Демир Капија-Смоквица

датум : 04.06.2008

Студијата за оценка на влијанието врз животната средина за проектот за изградба на дел од Коридорот 10, делница Демир Капија- Смоквица е објавена на веб страната на Министерството за транспорт и врски на www.mtc.gov.mk во делот "Проекти".

Објава до Општините за распределба на средства од Програмата за рехабилитација и реконструкција на регионалните и локалните патишта

датум : 31.03.2008

Од Проектот за рехабилитација и реконструкција на регионалните и локалните патишта, за локалната патна мрежа се предвидени инвестиции во висина од 34 милиони Евра. Средствата предвидени за Општините се распределени според утврдените критериуми и согласно истите за секоја Општина ќе биде распределен соодветен износ. Аплицирањето за овој проект започнува на 01.04.2008 година. За секој проект потребно е да се достави поединечна апликација со следниве документи: изработен основен-изведбен проект (во 1 хартиен примерок), ревидиран основен-изведбен проект не постар од 6 месеци (во електронска верзија), копија од одлука на Советот на општината, копија од одлука на Градоначалникот, Одобрение за градба и Извештај од јавна расправа со локалното население по месни заедници(прилог записници). Деталите за потребните документи се дадени во Објавата испратена до Општините.

Објава до Општините во врска со Програмата за рехабилитација и реконструкција на локалната патна мрежа

датум : 19.03.2008

Владата на Република Македонија отпочна со реализација на Програмата за рехабилитација и реконструкција на регионалната и локалната патна мрежа во Република Македонија. Овој проект на Владата на Република Македонија ќе биде финансиран преку заем во износ од 70 милиони Евра обезбеден од меѓународни финансиски институции кој ќе се реализира во следните три години.

Покана за присуство на јавно отварање на Понуди за изградба на автопат Е-75, делница Куманово-Табановце

датум : 17.03.2008

Ве информираме дака на ден 21.03.2008 година со почеток во 12:00 часот ќе бидат јавно отворени пристигнатите понуди за изградба на автопат Е-75, делница “Табановце-Куманово”.

Нема забелешки на конечната верзија на Секторската оценка на животната средина

датум : 07.03.2008

Конечната верзија на Секторската оценка на животната средина на Проектот за Програмска подршка на регионалните и локалните патишта доби позитивна оценка од Министерството за животна средина и просторно планирање.